گلگت (پ ر) انسپکٹر جنرل پولیس گلگت بلتستا ن ڈاکٹر مجیب الرحمان خان کے زیر صدارت پولیس ہیڈ کوارٹرز میں آمدہ الیکشن 2020کے حوالے سے اعلیٰ سطحی اجلاس منعقد ہوا۔ اجلاس میں الیکشن سکیورٹی سے متعلق اب تک کی منصوبہ بندی اور تیاریوں کا جائزہ لیا گیا۔ شفاف اور غیر جانبدارانہ الیکشن کے انعقاد کے لئے مطلوبہ سکیورٹی اقدامات کما حقہ پورا کرنے کے لئے مختلف حکمت عملیوں پر غور اور فیصلے کئے گئے۔ الیکشن میں سکیورٹی کے مختلف النوع تقاضوں کو پورا کرنے کے لئے دیگر صوبوں سے بھاری پولیس نفری سمیت (CAE (Civil Armed Forcesکی خدمات حاصل کی جائینگی۔ آئی جی پی گلگت بلتستان ڈاکٹر مجیب الرحمان خان نے ریجنل پولیس آفیسران اور ڈسٹرکٹ پولیس آفیسران کو متعلقہ سطح پر جامع و مربوط سکیورٹی اور انتظامی اقدامات کو حتمی شکل دینے اور اس پر عمل درآمد سے متعلق تعمیلی رپورٹ ارسال کرنے کی ہدایت کی۔ اجلاس کے دوران موسمی صورتحال کے تناظرمیں مطوبہ انتظامی اقدامات اور الیکشن کمیشن گلگت بلتستان کی طرف سے جاری کردہ ہدایت کی ہر سطح پر عمل درآمد یقینی بنانے کے سلسلے میں فوری اور مسلسل اقدامات عمل میں لانے سمیت دیگر صوبوں سے الیکشن ڈیوٹی کے لئے بلائے جانے والی پولیس نفری کی رہائش، خوراک اور ڈیوٹی سے متعلق آگاہی اور تعیناتی کے مختلف پیمانوں اور زاویوں پر غور کیاگیا اور اس حوالے سے ڈی آئی جی ہیڈ کوارٹرز گلگت بلتستان افضل محمود بٹ کی سرکردگی میں خصوصی کمیٹی تشکیل دی گئی جو کہ مختلف اضلاع کی مالی اور دیگر ضروری وسائل کی فراہمی کا حتمی پلان مرتب کریں تاکہ متعلقہ اضلاع کو بروقت فراہمی یقینی بنائی جا سکے۔ اجلاس میں الیکشن مٹیریل کی چھپائی اور ترسیل کے عمل کو شفاف بنانے کے لئے چیف الیکشن کمشنر کی ہدایات کے مطابق سکیورٹی کے لئے خصوصی ٹیمیں تشکیل دی گئیں۔ اس موقع پر آفیسران سے خطاب کرتے ہوئے انسپکٹر جنرل پولیس گلگت بلتستان نے کہا کہ موسمی حالات اور تغیر و تبدل کے عوامل کو ملحوظ خاطر رکھتے ہوئے خصوصی deployment planتشکیل دیا جائے اور متعینہ نفری کی ویلفیئر کے لئے پلان کو حتمی شکل دی جائے۔ آئی جی پی گلگت بلتستان نے مذید کہا کہ ڈیوٹی پر متعین کرنے سے قبل پولیس آفیسران اور جوانوں کے لئے الیکشن کمیشن کے نمائندگان کی موجودگی میں الیکشن کے ضابطہ عمل سے متعلق تفصیلی آگاہی و شعوری نشستوں کا اہتمام کیا جائے اس کے علاوہ الیکشن عملہ مٹیریل کی حفاظت سے متعلق خصوصی اقدامات سے متعلق بھی سب ڈویژن اور تھانہ کی سطح پر میٹنگز کا انعقاد کیا جائے اور اس امر کو یقینی بنایا جائے کہ الیکشن کے حوالے سے پولیس کا کردار مکمل غیر جانبداری اور شفافیت کا عکاس رہے اور نفری کو ڈیوٹی کے مقام تک پہنچانے اور واپس لانے سے متعلق منظم اور مربوط ٹرانسپورٹیشن پلان متعلقہ DCsکے ساتھ باہمی اشتراک و مشاورت کے زریعے یقینی بنایا جائے۔ اس موقع پر انسپکٹر جنرل پولیس نے تمام ریجنل پولیس آفیسران کو ہدایات جاری کی کہ ضلعی سطح پر ایس ایس پیز کے ہمراہ تمام انتہائی حساس اور حساس پولینگ سٹیشنوں کا ذاتی طور پر دورہ کریں اور متعلقہ SHO/SDPOاپنے حدود اختیار کے اندر واقع تمام پولنگ سٹیشن کا دورہ کریں اور اس حوالے سے ہر ضلع میں خصوصی کانفرنس کا انعقاد کیا جائیگا اور آئی جی پی ہر ضلع میں الیکشن سے متعلق کے گئے عملی اقدامات کا جائزہ لیتے رہیں گے۔ اجلاس میں ڈی آئی ہیڈ کوارٹرز افضل محمود بٹ، ڈی آئی جی وقاص حسن، اے آئی جی سپیشل برانچ محمد حنیف، اے آئی جی محمد جمیل، اے آئی جی جہانگیر حسین، کمانڈنٹ اے آرپی سلطان فیصل، اے آئی جی محمد عبداللہ، ایس ایس پی گلگت راجہ مرزہ حسن، ایس ایس پی CTDحسن علی، ایس ایس پی ہنزہ حمزہ ہمایوں، ایس ایس پی غذر، ایس ایس پی کرائمز روف، ایس ایس پی حفیظ الرحمان، ایس پی نگر، بجٹ آفیسر مشتاق حسین، رجسٹرار حسین اللہ بیگ و دیگر متعلقہ آفیسران نے شرکت کی۔